Suna tha rishte bhagwan banata hai

Suna tha rishte bhagwan banata hai


Dil ke taar jod kar nayi dhun sunata hai

Par kabhi kabhi jab saare rishte nahi bana pata

Tab unhe baad me jodke khabar sunata hai



Hamesha hota nahi aisa ki apne rishte khusi de

Kholo apni baahen aur bhar lo duniya naye rishto se

Har taraf rishte hai jis taraf bhi tu modta hai

Aakhir duniya main pyar hi dilon ko jodhta hai



Zaroori nahi ki rishte khoon ke ho tabhi acche hai

Agar hum aaj tak aisa sochte hai to kya hum ab tak bacche hai

Rishta wo hai jisme aapko koi samajh le bin kuch bataye

Hamesha aapke saath rahe aur aapke dukh-sukh main saath nibhaye



Main shayad kuch kam rishte lekar duniya main aaya tha

Khuda ne ki sach main rehmat jab maine tujko paaya tha

Hum shayad milte nahi, baat nahi hoti par phir bhi tu mere dukh main roti hai

Sach kaha hai kisi ne Behan aakhir Behan hoti hai



Main tujhe Devil aur tu mujhe Devil kahti rahti hai

Par kya sirf mehsus karke ki dusra shayad dukhi hai

Kya apne aap humari aankhen nahi roti hai

Suna hai ki rona se kuch haasil nahi hota

Par kya ye ahsas kam hai ki main kabhi bhi dukh main akela nahi rota.



Humara rishta shayad hansi se kam aansuon se zyada kareeb hai

Par mile koi AISA jisko dukh bata sako, ye bhi apna hi naseeb hai

Duniya main bahut yaar hai jinse saath hum sukhi hote hai

Par hamesha hum kyu akele hi dukhi hote hai



Kyu socha bhagwan ne ki mujhe kuch dukh dena hai

Jab pata tha usko ki ye mujhe akele nahi lena hai

Hai koi aur jiske pariwar ka janam se hissa nahi

Par kya pyar bhare rishte ka duniya main koi kissa nahi



Jab bhi aap dukhi ho, just see me around

As I will never allow u to be alone in crowd



Maine jana hai ki galti bhagwan se bhi hoti hai

Tabhi to wo alag alag janam dekar baad main paas bulata hai



Par phir bhi... Suna tha rishte bhagwan banata hai

Dil ke taar jod kar nayi dhun sunata hai

Par kabhi kabhi jab saare rishte nahi bana pata

Tab unhe baad me jodke khabar sunata hai